Nepal Newsbox
२०८३ वैशाख ६ गते , आइतबार
Nepal Newsbox
मधेश प्रदेशको मुख्य न्यायाधिवक्तामा डा.सिंह नियुक्त
जनकपुरधाम । मधेश प्रदेशको मुख्य न्यायाधिवक्तामा डा. सुनिल रञ्जन सिंह नियुक्त हुनु भएको छ ।
मुख्यमन्त्री कृष्णप्रसाद यादवको सिफारिसमा प्रदेश प्रमुख डा.सुरेन्द्र लाभ कर्णले नेपालको संविधानको धारा १६० को उपधारा २ बमोजिम सिंहलाई मुख्य न्यायाधिवक्तामा नियुक्त गर्नु भएको हो ।
सर्लाहीको ईश्वरपुर नगरपालिका वडा नं १४ का सिंह मधेस प्रदेशका चौथो मुख्यन्यायाधिवक्ता बन्नु भएको छ ।
तत्कालीन मुख्यमन्त्री सतिशकुमार सिंहले नियुक्त गर्नु भएका तत्कालीन मुख्यन्यायाधिवक्ता सुरेन्द्र कुमार महतोले राजीनामा नदिएपछि मुख्यमन्त्री यादवले बर्खास्त गर्नु भएको थियो ।
गत मङ्सिर २१ मा मुख्यमन्त्रीको सिफारिसमा प्रदेश प्रमुख कर्णले नेपालको संविधानको धारा १६० को उपधारा (४)(ख) बमोजिम मुख्य न्यायाधिवक्ता महतोलाई पदमुक्त गरेका गर्नु भएको थियो । केही समय देखि मुख्य न्यायाधिवक्ताको पद खाली रहेका थिए ।
सम्बन्धित समाचार
