काठमाडौं । काठमाडौं महानगरपालिकाले रानीबारी क्षेत्रमा रहेका कवाडी संकलन केन्द्रमा डोजर चलाएको छ।

काठमाडौं महानगर प्रहरी बलले बिहीबार रानीबारी क्षेत्रको टाउनप्लानिङ्भित्र रहेका २ वटा कवाडी संकलन केन्द्रमा डोजर चलाएको हो।

बस्तीका बीच कवाडी संकलन केन्द्र रहँदा जोखिम हुने भन्दै साेही केन्द्र हटाइएको प्रहरी बलले जनाएको छ। महानगरले आफ्नो क्षेत्रभित्रका सबै कवाड संकलन केन्द्र हटाउने भन्दै अभियान नै सञ्चालन गर्दै आएकाे छ। त्यसकाविरुद्ध कवाड व्यवसायीहरुले विरोध गर्दै आएका हुन्। 

यसअघि महानगरले विभिन्न ठाउँकाे कवाडी संकलन केन्द्रमा डाेजर चलाउँदै आइरहेकाे छ ।