काठमाडौँ । काभ्रेपलाञ्चोकमा सवारी दुर्घटना हुँदा एक युवकको मृत्यु भएको छ ।

प्रहरीका अनुसार बुधबारराति बाँकेको नेपालगन्जका १८ वर्षीय सुदीप खत्रीको मृत्यु भएको प्रहरी हो ।

पनौती नगरपालिका–५, आईटीपार्कस्थित सडकमा बा.प्र.०२–०१७ प ०४०६ नम्बरको मोटरसाइकल दुर्घटना भएको हो । दुर्घटनामा सुदीप गम्भीर घाइते भएका थिए । बनेपास्थित शिर मेमोरियल अस्पतालमा उपचारका क्रममा उनको मृत्यु भएको हो ।

रोकिराखेको बा२क ७३५० नम्बरको टिपरमा मोटरसाइकल ठोक्किएको थियो । त्यसपछि मोटरसाइकल अनियन्त्रित भई बा.प्र.०१–००६ ख २२१७ नम्बरको टिपरमुनि छिरेको थियो । दुवै टिपरका चालकलाई नियन्त्रणमा लिइएको प्रहरीले जनाएको छ ।