काठमाडौँ । सोमबार, २३ भदौ २०८२ मा देशभर फैलिएको जेनजीको आन्दोलनले राजधानीलाई नै अशान्त बनाएको छ। भ्रष्टाचार, बेथिति र सामाजिक सञ्जालमाथि लगाइएको प्रतिबन्धको विरोधमा देशभर युवाहरू सडकमा उत्रिएका थिए।

राजधानी काठमाडौँमा माइतीघरमा भेला भएका जेनजी युवाहरू नयाँ बानेश्वरतर्फ अगाडि बढ्ने क्रममा प्रहरीसँग झडपमा उत्रिएका थिए। उनीहरूले प्रहरीको घेरा तोड्दै निषेधित क्षेत्रमा प्रवेश मात्र गरेनन्, संसद भवन परिसरभित्र समेत घुस्न खोजेपछि स्थिति थप तनाबपूर्ण बनेको थियो। प्रदर्शन नियन्त्रण बाहिर पुगेपछि स्थानीय प्रशासनले बानेश्वर क्षेत्रमा कर्फ्यु आदेश जारी गरेको छ।

जिल्ला प्रशासन कार्यालय काठमाडौँले दिउँसो साढे १२ बजेदेखि राति १० बजेसम्मका लागि कर्फ्यु आदेश लागू गरेको प्रमुख जिल्ला अधिकारी छवि रिजालले जनाएका छन्। उनका अनुसार संसद भवन र आसपासको सुरक्षालाई मध्यनजर गर्दै कर्फ्यु लागू गरिएको हो।

 सामाजिक सञ्जालमाथि लगाइएको प्रतिबन्ध तत्काल फिर्ता लिनुपर्ने मागसमेत उनीहरूले गरेका छन्।

जेनजी पुस्ताको यो आन्दोलनले राजधानीदेखि प्रदेशसम्म राज्य संरचना र नीतिनिर्माण तहमा पारदर्शिता, जवाफदेहीपन र अभिव्यक्ति स्वतन्त्रताप्रति गम्भीर प्रश्न उठाएको देखिन्छ।